Французскія следчыя могуць праверыць магчымую датычнасьць былога прэзідэнта краіны Нікаля Сарказі да карупцыйных схемаў, якія нібыта суправаджалі рашэнне аб правядзенні чэмпіяната свету па футболе 2022 года ў Катары, піша газета Daily Telegraph са спасылкай на блізкія да расследавання крыніцы.
Выбары гаспадароў чэмпіянатаў свету 2018 і 2022 гадоў праходзілі ў снежні 2010 года ў Цюрыху. ЧС-2018 атрымала Расія. На арганізацыю ЧС-2022 прэтэндавалі Аўстралія, Японія, Паўднёвая Карэя, Катар і ЗША. Выбары зацягнуліся да чацвёртага тура, у якім перамог Катар. Францыя лічылася адным з актыўных прыхільнікаў арганізацыі мундыялю ў Катары.
Паводле выдання, следчыя правяраюць некалькі здзелак, звязаных з французскімі актывамі, набытымі ўладамі Катара. Адной з такіх здзелак з'яўляецца продаж французскай смеццеперапрацоўчай кампаніі Veolia, 5% акцый якой набыў катарскі дзяржаўны інвестфонд.
Следчыя мяркуюць, што падчас угоды «маглі быць распыленыя» каля 180 мільёнаў еўра, а частка з іх выплачана чыноўнікам, якія адказваюць за выбар краіны-гаспадыні ЧС.
Газета паведамляе, што Сарказі быў блізка знаёмы з былымі і дзейнымі менеджарамі кампаніі, у сувязі з чым следчыя, хутчэй за ўсё, правераць, ці не з'яўляўся ён выгодаатрымальнікам ад уцечкі сродкаў пасля заключэння кантракта.
Прадстаўнік фінансавай пракуратуры Францыя пацвердзіў, што ведамства вядзе два асобныя расследаванні - па здзелцы з Veolia і заяўцы Катара. Паводле яе слоў, гэтыя расследавання не звязаныя паміж з сабой, а Сарказі «на гэтым этапе не з'яўляецца іх фігурантам».
