3 жніўня ў сталічнай кватэры на вуліцы Ландэра гаспадары заўважылі змяю на пліце. На месца выязджалі ратавальнікі, паведамляе прэс-служба МНС.
«Гаспадыня з дачкой раніцай прыйшлі на кухню паснедаць. У раёне пліты яны пачулі дзіўнае шыпенне і заўважылі кончык змяінага хваста. Не на жарт спалохаўшыся, яны выклікалі ратавальнікаў», — кажа афіцыйны прадстаўнік МНС па Мінску Вольга Мельчанка.
Калі ратавальнікі прыехалі на выклік і пачалі аглядаць кухню, яны выявілі змяю ў адной з фаерак пліты. З дапамогай спецыяльнай прылады яе выцягнулі.
Гэта была гадзюка — адзіны з відаў атрутных змей, якія жывуць у Беларусі. Яе прыйшлося ліквідаваць.
Як гадзюка апынулася на трэцім паверсе ў сталічнай кватэры — невядома.
0
0
0
0
0
0
