Паводле звестак «Прессбола», кіраўніку Адміністрацыі прэзідэнта Наталлі Качанавай і намесніку прэм'ер-міністра Беларусі Васілю Жарко дадзенае даручэнне да 1 верасня знайсці рашэнне пытання па запуску футбольнага тэлеканала на пляцоўцы «Сетанты Беларусь».

Раней было анансавана, што новая футбольная «кнопка» з'явіцца на беларускім ТБ да старту другога круга чэмпіянату Беларусі. Аднак Уладзімір Беражкоў, які займаецца прасоўваннем праекта, у канцы ліпеня паведаміў, што з запускам канала прыйдзецца пачакаць: «Пытанне яшчэ не вырашана. Як вы ведаеце з публічнай сферы, лёс «Сетанты Беларусь» у руках прэзідэнта і яго бліжэйшага акружэння. Баюся сваімі каментарамі нашкодзіць працэсу, таму пакуль прамаўчу. Скажу толькі, што кіраўніцтва АБФФ у рэальнай абстаноўцы прыкладае ўсе магчымыя намаганні».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру