Пра гэта сведчыць даследаванне расійскага Цэнтра этнапалітычных і рэгіянальных даследаванняў, праведзенае для Навукова-даследчага ўніверсітэта Вышэйшай школы эканомікі, піша Thinktanks.by.

Паводле даследавання, сярэдні заробак беларусаў, якія працуюць у Расіі — 41,1 тысяч расійскіх рублёў (каля 690 даляраў). На другім месцы ў рэйтынгу прыбыткаў працоўных мігрантаў - грамадзяне Грузіі і Азербайджана. Іх заробак складае 35,9 тысяч расійскіх рублёў або каля 600 даляраў. На трэцяй пазіцыі - грамадзяне Малдовы з прыбыткам 35,3 тыс рублёў або каля 595 даляраў.

Сярэдняя заработная плата працоўных мігрантаў у Расіі ў 2017 годзе (тыс. руб.)

Краіна паходжання

Прававы статус

Сярэдні заробак

Азербайджан

Легальны

35,9

 

Нелегальны

29, 9

Арменія

Легальны

31,1

 

Нелегальны

28,1

Беларусь

Легальны

41,1

 

Нелегальны

-

Грузія

Легальны

35,9

 

Нелегальны

33,5

Казахстан

Легальны

31 6

 

Нелегальны

27,3

Кіргізія

Легальны

29,3

 

Нелегальны

27,2

Малдавія

Легальны

35,3

 

Нелегальны

33,2

Таджыкістан

Легальны

27,9

 

Нелегальны

25,1

Узбекістан

Легальны

29, 0

 

Нелегальны

27, 2

Україна

Легальны

30,8

 

Нелегальны

30, 2

Усе краіны

ўсе мігранты

30,1

Крыніца: НДУ ВШЭ

Як адзначаецца ў даследаванні, вытрымкі з якога апублікаваў «Коммерсант», у Расіі нікуды не дзелася звычка прадпрымальнікаў да звышэксплуатацыі замежных работнікаў. Стаўленне іх сярэдняй зарплаты да сярэдняй зарплаты грамадзян Расіі ад 2011 года, праўда, вырасла даволі прыкметна - з 72,8% да 84% (у 2011 годзе мігранты атрымлівалі ў сярэднім 17,7 тыс расійскіх рублёў, расейцы - 24,3 тыс., у 2017-м - 30,1 тыс. і 35,8 тыс. руб. адпаведна), - але нагрузка засталася непараўнальна вышэйшай.

Паводле апытанняў, сярэдняя працягласць працоўнага тыдня ў замежных работнікаў складае цяпер 59 гадзін (у 2011 годзе - 59,6) супраць 39,6 у грамадзян Расіі (у 2011-м - 39,9).

Наймальнікамі замежнікаў часцей за ўсё з'яўляюцца малыя і сярэднія прадпрыемствы (у 2017 годзе 40,3% рэспандэнтаў былі занятыя на прадпрыемствах з колькасцю работнікаў да 10 чалавек, яшчэ 35,7% - на прадпрыемствах з колькасцю занятых ад 10 да 49). Праца, якую мігрантам давяраюць, застаецца некваліфікаванай, незалежна ад іх рэальных навыкаў: 60% паказваюць, што ў сябе на радзіме працавалі па больш высокай кваліфікацыі, і амаль дзве траціны ўсіх мігрантаў працуюць у Расіі некваліфікаванымі рабочымі або ў гандлі.

Клас
Панылы сорам
Ха-ха
Ого
Сумна
Абуральна