У гэтыя хвіліны ў мінскім Prime Hall адбываецца першы за сем гадоў дазволены канцэрт Лявона Вольскага.

На выступ сабралася каля 1600 чалавек. 

У першым аддзяленні Вольскі выканаў дзве новыя песні, якіх не было ў альбоме «Белая яблыня грому». 

Гэта «Ты помніш» на словы Юлія Таўбіна і «Чалавек, цяжарны Богам» Анатоля Сыса.

Пасля перапынку на танцполе з'явіліся першыя нацыянальныя сцягі. А пасля песні «А хто там і дзе?» выбухнула скандаванне «Жыве Беларусь!»

Больш пра канцэрт — чытайце на «Ніве» пазней.

А гэта верш «праклятага паэта» Сыса, які стаў песняй:

* * *

Хто натхніць мяне на смерць?
Я такой не маю волі.
Маю толькі болі.
Болі — каб пасціцца і гавець.

З гор сыдзі, як з купалоў,
Дух у вобразе старога,
праз пакуты дай мне Бога,
дай мне Богавую кроў. 

Не жыву — хаджу, што сцень,
брыдкі і чужы паветру,
хаця выйшаў колісь з ветру,
выйшаў і азмрочыў дзень.

Ты
натхніш мяне на смерць,
чалавек, цяжарны Богам,
праз цябе мая дарога,
моцы дай яе здалець

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру