Прэзідэнт Румыніі Клаўс Ёханіс адмяніў візіт ва Украіну з-за прыняцця ў Кіеве новага закона аб адукацыі, паводле якога з 2020 года навучанне ў краіне стане цалкам украінскамоўным.
Пра гэта паведамляе rbc.ru са спасылкай на Agerpres
Як адзначыў Ёханіс, пры уступленні ў сілу закон «рэзка абмяжуе доступ меншасцяў да адукацыі на іх роднай мове». «Таму, даведаўшыся пра гэты закон, я адмяніў свой візіт ва Украіну, я таксама адмяніў прыём старшыні парламента, сустрэча была прызначаная на канец верасня», — патлумачыў прэзідэнт Румыніі.
У той жа час Ёханіс адзначыў, што Украіна застаецца партнёрам Румыніі. «Я спадзяюся, што нам удасца знайсці падыход, які дазваляе румынам ва Украіне, у канчатковым рахунку, працягнуць сваю адукацыю на румынскай мове», - сказаў на заканчэнне Ёханіс.
У рамках візіту кіраўнік Румыніі разам з прэзідэнтам Пятром Парашэнкам павінен быў наведаць раёны кампактнага пражывання румын у Букавіны. Усяго ва Украіне пражываюць больш за 150 тыс. румын. Яны сканцэнтраваны ў асноўным у Чарнавіцкай і Закарпацкай абласцях краіны.
Раней паведамлялася, што Венгрыя ў пачатку верасня раскрытыкавала прыняты 5 верасня украінскім парламентам закон аб адукацыі. Асудзілі закон таксама Польшча, Румынія і Малдова.
Паводле новага закона, з 2020 года адукацыя ва Украіне стане цалкам украінскамоўнай. Нацменшасці змогуць атрымліваць адукацыю на роднай мове ў дашкольным і ў сегменце малодшай школы.
