Фота Ігара Сямёнава
Дзмітрый Рабаў, начальнік службы метэаралагічных прагнозаў Белгідрамета Мінпрыроды, пакідае сваю пасаду. Пра гэта ён паведаміў TUT.BY.
Паводле яго слоў, ён павінен пакінуць Белгідрамет. Пра прычыны сыходу самы вядомы сіноптык Беларусі не паведаміў.
Нагадаем, 14 верасня, прызначаючы новага кіраўніка Мінпрыроды, Аляксандр Лукашэнка раскрытыкаваў якасць прагнозаў надвор'я.
«Іх прагнозы часам не тое што чытаць … Часам, прачытаўшы, хочацца, каб наогул нічога там не прагназавалі. Там больш за тысячу чалавек. Займіцеся гэтай структурай і навучыцеся працаваць у структуры — зусім невялікая — у нашым войску ёсць (у ВПС і войсках СПА) — на трое сутак інфармацыя па гадзінах, і ні разу не памыляліся», — сказаў тады кіраўнік краіны. Ён таксама дадаў, што, чытаючы штодзённы прагноз надвор'я, у яго ўзнікае жаданне «проста разагнаць гэтую арганізацыю».
Дзмітрый Рабаў — самы вядомы твар Белгідрамета: менавіта ён часцей за ўсё з'яўляўся ў СМІ і на тэлебачанні.
