Google выпусціў бясплатны дадатак на аснове камп'ютарнага зроку для ператварэння відэа ў комікс
Кампанія Google прадставіла бясплатны сэрвіс Storyboard, прызначаны для ператварэння відэа ў старонку коміксу. Дадатак Storyboard даступны выключна на Android і дазваляе ператварыць любое відэа ў аднастаронкавы комікс.
Дадатак самастойна выбірае асноўныя кадры і публікуе іх у коміксе ў шасці візуальных стылях на выбар. Падключэнне да інтэрнэта для гэтага не патрэбна.
У кампаніі паведамляюць, што дадатак працуе на аснове «камп'ютарнага зроку» і абяцаюць выпусціць яшчэ некалькі праграм на аснове гэтай тэхналогіі.