Аляксандр Лукашэнка падпісаў указы, у адпаведнасці з якімі праведзены кадравыя прызначэнні ў кіраўніцтве праваахоўных органаў.
Алег Маткін прызначаны начальнікам Дэпартамента выканання пакаранняў МУС. Раней ён быў першым намеснікам камандзіра ўнутраных войскаў МУС — начальнікам штаба.
Аляксандр Кавальчук стаў начальнікам УУС Мінскага аблвыканкама. Яго перавялі з аналагічнай пасады з Магілёва.
Начальнікам УУС Магілёўскага аблвыканкама стаў Ігар Шчарбачэня.
Ігар Бурмістраў прызначаны на пасаду першага намесніка камандуючага ўнутранымі войскамі МУС — начальніка штаба.
