На сайце адміністрацыі Цэнтральнага раёна сталіцы з'явілася паведамленне, у якім апісваецца будучы аб'ект. Жыхары Мінска могуць прыняць удзел у грамадскім абмеркаванні. 

Забудоўшчыкам выступае ЗАТ «Камкон». Кампанія арандавала ўчастак яшчэ 10 гадоў таму, але толькі цяпер ўзялася за яго.

Кіраўніцтва «Камкона» падзялілася з «Нашай Нівай» візуалізацыямі аб'екта, архітэктурны праект якога быў зроблены кампаніяй «Вараб'ёў і партнёры».

Малюнак гэты і ніжэй: «Вараб'ёў і партнёры». ЗАТ «Камкон» для nn.by

У моладзевым забаўляльным цэнтры плануецца размясціць кінатэатр, рэстаран з танцпляцоўкай, летняе кафэ, більярд, канферэнц-залу, кнігарню, зону продажу сувеніраў, выставачныя залы, адміністрацыйныя памяшканні. На двух падземных узроўнях размесціцца паркінг. 

Пакуль на месцы, дзе хутка мае распачацца будаўніцтва, знаходзіцца бункер, пабудаваны немцамі за часамі Другой сусветнай вайны. Пасля яго выкарыстоўвалі савецкія вайсковыя сувязісты. Цяпер бункер не выкарыстоўваецца і знаходзіцца ў закінутым стане.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру