Мужчына перастаў выходзіць на сувязь у пачатку лютага. Пазней высветлілася, што ён загінуў.
30-гадовы гамяльчук Сяргей Віннікаў з’ехаў у сталіцу Расіі 12 студзеня. Ехаў па грошы, шукаць працу. У выніку ўладкаваўся ў «Яндэкс-таксі».
Але менш чым праз месяц мужчына знік. З 4 лютага ён перастаў выходзіць на сувязь. Яго пачалі шукаць. Высветлілася, што мужчыну забілі.
Афіцыйна яго гібель не каментуюцца з этычных меркаванняў, але ёсць інфармацыя, што Сяргея знайшлі задушаным у пад'ездзе, піша партал abw.by.
Цяпер гомельскі пошукавы атрад «Сімуран» абвесціў збор сродкаў, каб дапамагчы маці Віннікава. У яе няма грошай, каб цела сына прывезлі з Масквы. Дапамагчы жанчыне можна тут.
0
0
0
0
0
0