Аляксандр Карлюкевіч быў адным з тых, хто адкрываў штогадовую Мінскую кніжную выставу. Міністр інфармацыі адказаў на пытанні журналістаў.

Алесь Карлюкевіч, фота Волі Афіцэравай.

«Наша Ніва» пацікавілася, ці плануе Міністэрства інфармацыі нейкія мерапрыемствы ў гонар 100-годдзя БНР.

«Я думаю, што сёлета будзе вельмі шмат імпрэзаў, выставаў з гэтай нагоды. І вы гэта бачыце і па выказваннях высокіх дзяржаўных чыноўнікаў і тых, хто займаецца ідэалагічнай працай», — адказаў Карлюкевіч.

Што тычыцца прапановы ўладаў аб правядзенні на 25 Сакавіка свята і канцэрта ля Опернага тэатра, то міністр не адказаў канкрэтна.

«Я не ведаю, на жаль, характар гэтай ідэі, што за канцэрт рыхтуецца. Я не магу даць адназначны адказ. У выяўленчым мастацтве, літаратуры, музыцы гэтая падзея, безумоўна, павінна быць адлюстраваная».

А якое стаўленне Карлюкевіча да гэтай даты, зноў пацікавілася «НН»?

«Безумоўна, гэта вельмі важны крок у гісторыі Беларусі. Многія ўдзельнікі тых падзеяў 1918 года засталіся ў гісторыі. Яркая постаць Браніслава Тарашкевіча, яго ўнікальны і драматычны лёс сведчыць, якая няпростая рэакцыя была на 1918 год, для беларуса і яго нацыянальнага самавызначэння», — адказаў міністр.

Якую апошнюю кніжку прачытаў міністр інфармацыі? «Не сказаць, што энцыклапедыі чытаюцца цалкам, але цяпер з вялікім задавальненнем чытаю першы том энцыклапедыі «Янка Купала», — кажа Алесь Карлюкевіч.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Каментатар / Адказаць
04.05.1997 / 15:40
Ну-ну
0
Каментатар / Адказаць
27.02.1972 / 11:06
Ставиться до тех. кто граждан собственников считает за быдло. нужно одинаково, что до власти. что до до милиции с армией. что до оппозиции. Гульни у них. когда в стране диктатура с унижениями и преступлениями против граждан-собственников. Ни преступники не пойманы. не преступления преступлениями не названы. Это не лицемерие. это мнение о себе. как более ценных и важных. чем жизни и благополучие граждан-собственников. кто юридически является гражданами-собственниками. а разные нелегитимные и невыбираемые. насовершавшие престулений решили все "заиграть" гульбищами и "играми"? 
0
Каментатар / Адказаць
30.06.1991 / 02:33
У выяуленчым мастацтве....Дык i 23 лютага 9 мая 3 лiпеня i 7 лiстапада можна у выяуленчым
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру