Летась мы пісалі пра ўзорную фермерскую сям'ю Борсукаў, якія вялі гаспадарку на Камянеччыне. Яны трапілі ў няміласць да асобных функцыянераў раёна ды прадпрыемства «Савушкаваў».

Галіна і Мікалай Борсукі.

Чытайце: Як камянецкія ўлады забыліся пра закон: гісторыя пра запалоханых фермераў, самадурства і разборкі ў стылі 1990-х

Праз некалькі дзён пасля публікацыі ў раён прыехаў першы намеснік кіраўніка Адміністрацыі прэзідэнта Максім Рыжанкоў, які зладзіў разнос мясцовым чыноўнікам і сустрэўся з фермерамі — пры сабе ён меў раздрукаваны артыкул «Нашай Нівы». 

Але і тады перспектывы Борсукаў заставаліся няпэўнымі.

Мы пазванілі ім даведацца, як ідуць справы цяпер. 

«Усё добра, мы атрымалі зямлю на 50 гектараў, — сказала нам Галіна Борсук. — У іншым месцы атрымалі, блізенька ад нашага цэху: 6 кіламетраў, а раней было 12. Нам прапаноўвалі некалькі варыянтаў, мы выбралі, дзякуй ім [уладам]. Ніякіх праблем цяпер няма, зямля вельмі добрая. Сёлета плануем усе гектары засадзіць, маем 150 тон насення. З райвыканкамам гаварылі літаральна сёння — яны кажуць, што можна напісаць заяву на аказанне дапамогі ў пасяўной. Мы скарыстаемся, напэўна». 

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру