У Маларыцкім раёне пагранічнікі затрымалі двух мужчын, якія нелегальна перамясцілі праз мяжу больш за 1,6 тоны мяса, паведамляе Брэсцкая пагранічная група.
Увезеным без ветэрынарнага і санітарнага кантролю мяса сумнеўнай якасці меркавалася рэалізаваць на тэрыторыі Беларусі. Канфіскаванае мяса масай 1630 кілаграм і коштам 4 075 беларускіх рублёў, а таксама транспартныя сродкі, якія выкарыстоўваюцца для яго перавозкі, былі перададзеныя супрацоўнікам Брэсцкай мытні.
У дачыненні да жыхароў Маларыты 1993 і 1988 года нараджэння пачаты адміністрацыйны працэс па ч. 1 арт. 23.30 КаАП Беларусі (парушэнне памежнага рэжыму).
