У Нацыянальным аэрапорце затрымана каля дзесяці рэйсаў.
Прычына — надвор’е. Вакол аэрапорта стаіць моцны туман.
Прычым, вылеты не адмянялі, рэйсы працягваюць адпраўляцца, паведаміла «Нашай Ніве» Раміна Саматханава, начальнік аддзела па сувязі са СМІ аэрапорта.
Але ж тыя, хто ляцеў у Мінск, будуць прызямляцца ці ў Гомелі, ці ў Вільні. У такіх выпадках, тлумачаць у аэрапорце, трансфер пасажыраў у беларускую сталіцу будуць арганізоўваць авіякампаніі.
На сайце flightradar24.com можна ўбачыць, што некаторыя самалёты кружаць над Мінскам, а потым — злятаюць.
Па стане на 20:30 аэрапорт аднавіў прыём рэйсаў.
0
0
0
0
0
0
