Напад адбыўся 26 сакавіка, каля 2-й гадзіны ночы, у вёсцы Русіна, паведамляе Intex-press.
Пацярпелай жанчыне каля 70 гадоў, яна пражывае адна, распавялі суседзі пенсіянеркі.
Ноччу ў яе дом праніклі дзве жанчыны і мужчына ў масках і пальчатках.
Паводле папярэдняй інфармацыі, у тых, хто нападаў, быў нож, а перад тым, як увайсці ў дом, яны перарэзалі тэлефонны кабель. Злачынцы прывязалі гаспадыню дома да ложка, збілі і запатрабавалі грошай.
Якую суму скралі рабаўнікі пакуль не вядома.
Ложак, да якога прывязалі пацярпелую.
Да раніцы пацярпелая здолела вызваліцца ад вяроўкі. Пасля гэтага яна пайшла да суседзяў, і тыя выклікалі міліцыю.
Акно, праз якое ў дом прабраліся злачынцы.
Зараз пацярпелая знаходзіцца ў шпіталі. На месцы злачынства працуе міліцыя.
0
0
0
0
0
0