Напярэдадні 25 сакавіка «Моладзь БНФ» дасылала ліст у БРСМ з запрашэннем наведаць канцэрт у гонар стагоддзя БНР.
Адказ БРСМ выклаў у сваім фэйсбуку актывіст «Моладзі» Юрась Лукашэвіч.
«Дзякуем за запрашэнне прыняць удзел у святкаванні стагоддзя Беларускай Народнай Рэспублікі, — адказвае БРСМ, — аднак паведамляем, што Саюз моладзі не плануе наведваць вышэйназваныя мерапрыемствы. У сваю чаргу будзем рады бачыць Вас на святочных мерапрыемствах, якія будуць прымеркаваныя да 100-годдзя моладзевага руху».
БРСМ выводзіць сваю гісторыю ад дня стварэння ВЛКСМ (Усесаюзнага ленінскага камуністычнага саюза моладзі) — моладзевага крыла камуністычнай партыі СССР. Арганізацыя была створана 29 кастрычніка 1918 года.
0
0
0
0
0
0