Некалькі тысяч жыхароў Валакаламску ў чацвер вечарам выйшлі на стыхійную акцыю пратэсту каля адміністрацыі горада, патрабуючы ўвесці рэжым надзвычайнай сітуацыі ў раёне і зачыніць смеццевы палігон «Ядрава». У выніку ўлады абвясцілі толькі аб «пачатку працэдуры ўводу НС».

Смеццевы палігон «Ядрава» размешчаны ў некалькіх кіламетрах ад Валакаламску. Жыхары ўжо год скардзяцца на непрыемныя пахі ў горадзе і рэгулярна выходзяць на мітынгі.

Па дадзеных актывістаў, увечары ў чацвер да будынка адміністрацыі прыйшлі каля шасці тысяч чалавек. На відэатрансляцыі з мітынгу чуваць, што яны скандавалі: «Зачыніць!» і «НС!».

«Жыхары не вераць афіцыйным паказчыкам выкідаў серавадароду, якія дае адміністрацыя раёна. Жыхары ўпэўненыя, што паказчыкі па выкідах серавадароду заніжаюцца ўладамі: па афіцыйных дадзеных, у ноч з серады на чацвер былі зафіксаваныя выкіды, якія ў 10 разоў перавышаюць гранічна дапушчальную канцэнтрацыю, але жыхары вымералі паказчыкі выкідаў уласным прыборам, які зафіксаваў перавышэнне канцэнтрацыі серавадароду ў 87,5 разоў», — кажа адзін з пратэстуючых.

Жыхары горада больш за гадзіну чакалі, калі да іх выйдуць прадстаўнікі гарадскіх улад. У выніку Андрэй Віхароў, які нядаўна быў прызначаны выконваючым абавязкі кіраўніка раёна, абвясціў, што ўлады пачынаюць «працэдуру ўводу надзвычайнага становішча». «Мы засядалі і прынялі рашэнне. Мы пачынаем працэдуру ўводу НС (…) заўтра мы адпраўляем на камісію па папярэджанні і ліквідацыі і пасля гэтага пачынаем працэдуру», — сказаў Віхароў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

4
Каментатар / Адказаць
08.10.2013 / 11:56
хм....
дзіўна, што няма лозунгаў "пуцін, ввіді вайска".
ён жа ў іх там галоўны ратавальнік на ўсю краіну.
0
Каментатар / Адказаць
13.10.2013 / 15:11
Кстати вы не представляете масштабов свалок в Подмосковье. Там копец!
Было время и деньги 100500 раз мусороперерабатывающие заводы сделать. 
Почему не сделали за 25 лет - это вопрос. Пожинайте плоды ну и понятное дело отстаивайте права.
0
Каментатар / Адказаць
26.09.2000 / 11:48
«90% звалак рсфср маюць аналагiчныя праблемы як у Валакаламску » - удакладняе мой знаемы
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру