Традыцыйна яйкі фарбуюць у цыбулевым шалупінні. Ад яе колькасці залежыць інтэнсіўнасць колеру пафарбаваных яек — ад аранжава-бежавага да насычанага бура-чырвонага.

Шалупінне жоўтай рэпчатай цыбулі (5—10 жменяў) замачыць на ноч. Яйкі перад афарбоўкаю пажадана памыць мыльным растворам або працерці воцатам, каб больш раўнамерна афарбаваць.

Для нанясення ўзору можна прыкласці галінкі або лісцікі раслінаў.

Пасля, змясціўшы яйко ў капрон або бінт (у адзін слой), моцна завязаць канцы ніткаю. Для атрымання карункавага ўзору можна загарнуць яйко ў карункі, а для атрымання палосак — абкруціць ніткамі.

Прыгатаваныя такім чынам яйкі пакласці ў каструлю з шалупіннем, зварыць у крутую (10—15 хвілінаў на малым агні) і пакінуць у шалупінні, пакуль не астынуць. Каб атрымаць больш насычаны колер, можна пакінуць яйкі ў шалупінні на некалькі гадзінаў. Пасля таго, як пафарбаваныя яйкі абсохнуць, можна нацерці іх алеем, каб яны блішчалі.

Шалупінне фіялетавай цыбулі пафарбуе яйкі ў бура-чорны колер.

Каб пафарбаваць яйкі ў сіні колер,

неабходна заліць вадою парэзаную на вялікія кавалкі чырвонакачанную капусту (1 качан), дадаць 3—5 л. солі (у залежнасці ад колькасці яек) і варыць 15—20 хвілінаў, працадзіць. Дадаць да атрыманага адвару 3—5 ст. л. воцату, фарбаваць загадзя звараныя яйкі, пакінуўшы іх у адвары на 15—30 хвілінаў, каб атрымаўся блакітны колер або на некалькі гадзінаў — для сіняга колеру.

Каб атрымаць карычневы колер,

адварыць яйкі ў вельмі моцнай заварцы чорнай гарбаты (8—10 пакецікаў на шклянку вады) з 3—5 ст. л. солі. Дадаць 3 ст. л. воцату, пакінуць яйкі ў заварніку на некалькі гадзінаў. У карычневы колер пафарбуе яйкі і насычаны адвар з 2—4 буракоў, да якога дададзены соль і воцат.

Каб атрымаць жоўты колер,

неабходна адварыць яйкі з 3 ст. л. куркумы або 1—2 ч. л. шафрану і 3—5 ст. л. солі. Дадаць 3—5 ст. л. воцату, пакінуць яйкі астываць у растворы да набыцця жаданага колеру, прамыць, высушыць.

Каб атрымаць зялёны колер,

неабходна пафарбаваць яйкі ў куркуме і шафране, а пасля трымаць у адвары з чырвонай капусты да атрымання жаданага колеру.

Зрэшты цяпер прадаюцца розныя фарбавальнікі і ўзоры, якія фарбуюць яйка за адну хвіліну.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Каментатар / Адказаць
17.03.1985 / 14:50
Šalupiņnie cybuli forever ! A ūsio astatniaje -  faļšyūka...
3
Каментатар / Адказаць
26.04.2000 / 08:41
Галоўны элемент гэтага свята - Хрыстос, які уваскрос!
6
Каментатар / Адказаць
17.01.1989 / 20:02
Информация неверна. Десять из 15 поместных православных церквей празднуют Рождество в ночь с 24 на 25 декабря - как и большинство христиан западного мира. По старому юлианскому календарю живут пять православных церквей мира. Вместе с Русской православной церковью это Иерусалимская, Грузинская, Сербская и Польская православные церкви.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру