Аргкамітэт па правядзенні Чарнобыльскага шляху падаў у Мінгарвыканкам заяўку на правядзенне мітынгу і шэсця 26 красавіка. Пра гэта TUT.BY распавёў кіраўнік руху «За Свабоду» Юрась Губарэвіч.
У заяўцы арганізатары просяць дазволіць збор а 18.00 каля Акадэміі навук, мітынг, шэсце па праспекце Незалежнасці, па вуліцы Сурганава і Арлоўскай да памятнага знаку «Ахвярам Чарнобыля» ў парку Дружбы народаў.
Адказ на заяўку павінен быць на працягу 15 дзён.
У аргкамітэт па правядзенні Чарнобыльскага шляху ўвайшлі партыі БНФ і АГП, рух «За Свабоду», аргкамітэт па стварэнні партыі «Беларуская хрысціянская дэмакратыя», Беларуская партыя «Зялёныя», рух салідарнасці «Разам», грамадскае аб'яднанне «Экадом».
0
0
0
0
0
0
