У Глыбоцкім раёне супрацоўнікі МНС разам з работнікамі фермы ў вёсцы Свядава выратавалі пры пажары 96 цялятаў, паведамілі БелТА ў Віцебскім абласным упраўленні МНС.
Паведамленне пра ўзгаранне ў цялятніка ў вёсцы Свядава паступіла на пульт дзяжурнага 15 красавіка ў 12.49. Працаўнікі гаспадаркі і ратавальнікі вывелі з палаючага будынка 96 цялятаў. У выніку пажару ў цялятніку, які належыць ААТ «Глыбоцкі аграсэрвіс», знішчаны дах. Прычына пажару высвятляецца.
