У Мінску лабараторна пацверджаны адзін выпадак адру ў дзіцяці, паведамляе БелТА.

Дзіця не было прышчэплена супраць адру, таму што яго бацькі адмовіліся ад вакцынацыі.

Высветлена, што заражэнне адбылося за межамі краіны падчас турыстычнай паездкі ў Егіпет і Украіну.

У Еўропе працягваецца ўспышка адру. На 16 красавіка зарэгістравана больш за 15 тысяч выпадкаў захворвання. Аб найбольшай колькасці выпадкаў адру паведамляецца ў Сербіі, Грэцыі, Румыніі, Францыі і Італіі. Адзін з самых буйных выбухаў адру працягваецца ва Украіне.

Больш за 80% хворых не былі раней прышчэплены супраць адру, што абумовіла распаўсюджванне інфекцыі ў еўрапейскім рэгіёне. Асноўнай прычынай нізкага ўзроўню вакцынацыі супраць адру ў асобных краінах Еўропы стаў рост колькасці адмоў ад прышчэпак, які пачаўся з 2010 года.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру