Адключэнне электраэнергіі ў раёне Амстэрдама прывяло да маштабнага збою ў працы папулярнага месенджара Telegram у многіх краінах Еўропы, паведаміла адміністрацыя сэрвісу.
«Вядуцца аднаўленчыя работы пасля маштабнага адключэння электраэнергіі ў ваколіцах Амстэрдама. Карыстальнікі Telegram ў Еўропе, краінах Блізкага Усходу і Паўночнай Афрыкі, а таксама ў Расіі і СНД не могуць падлучыцца», — піша Telegram ў «Твітары».
Адключэнне электраэнергіі таксама парушыла працу буйнога аэрапорта Схіпхол, які абслугоўвае значную частку Нідэрландаў.