У сяле Карпацкае Туркаўскага раёна Львоўскай вобласці падчас аўтамабільнай экспедыцыі з гары зляцела машына з беларускім экіпажам. Пацярпелі двое беларусаў, яны жыхары Мінска.
Няшчасны выпадак адбыўся каля гары Пікуй, фота «Варта 1».
Як перадае ZAXID.NET, пацярпелых — двух жыхароў Мінска — у стане сярэдняй цяжкасці даставілі ў Туркоўскі раённы шпіталь.
Удзельнікі заезду і ратавальнікі на месцы аварыі, фота «Варта 1».
У Львоўскай вобласці 28 красавіка — 1 мая праходзіць трофі-экспедыцыя «Карпацкі Кардон '18». Удзельнікі мерапрыемства павінны былі стартаваць з перавала Ужоцкага, а фінішаваць на Торунскім перавале. Удзельнікі павінны былі пракладаць ўласныя маршруты, ня паўтараючы іншых. Усяго ў экспедыцыі планавалі ўдзельнічаць некалькі дзесяткаў экіпажаў. Адзначаецца, што трофі-рэйд быў ня спартовым спаборніцтвам, а спосабам баўлення вольнага часу, падарожжам па Карпатах на ўседарожніках.
