Twitter/@theSowong
Злачынцы, якія ўчынілі выбухі ў трох цэрквах у Інданезіі, былі членамі адной сям'і, паведамляе ABC са спасылкай на начальніка Нацыянальнай паліцыі Інданезіі.
Удакладняецца, што бацька зладзіў першы выбух з дапамогай аўтамабіля, двое яго сыноў, 18 і 16 гадоў, учынілі другі выбух з выкарыстаннем матацыкла.
Маці і дзеці 12 і 9 гадоў учынілі трэці выбух. Яны былі апранутыя як вернікі і падчас службы знаходзіліся ўнутры царквы, пасля чаго прывялі ў дзеянне бомбы.
Адказнасць за выбухі ўзяла «Ісламская дзяржава».
Першы выбух у нядзелю прагрымеў побач з каталіцкай царквой Святой Марыі ў горадзе Сурабая на востраве Ява а 7:15 раніцы па мясцовым часе (розніца з Мінскам — 2 гадзіны), наступныя два выбухі адбыліся з інтэрваламі каля пяці хвілін у тым жа горадзе. Другі выбух прагрымеў у пратэстанцкай царкве, трэці — у царкве пяцідзясятнікаў.
Як паведамляў Ройтэрз, у выніку выбухаў загінулі 11 чалавек і 40 пацярпелі.
Reuters
