11 мая на міжнароднай канферэнцыі ў Маскве, прысвечанай 200-гадоваму юбілею Карла Маркса, выступіў прадстаўнік Камуністычнай партыі Беларусі Леў Крыштаповіч. Нагадаем, што гэты заходнерусіст зараз з'яўляецца начальнікам навукова-даследчага аддзела Беларускага дзяржаўнага універсітэта культуры і мастацтваў, а раней працаваў у Інфармацыйна-аналітычным цэнтры пры Адміністрацыі прэзідэнта.
«Братэрскае прывітанне ад камуністаў Беларусі! Усе сілы імперыялізму апалчыліся супраць марксізму і рускага свету. Сёння быць марксістам — гэта быць прыхільнікам рускага свету. Працягваецца барацьба старога свету і новага свету. Рускія рэвалюцыянеры сталі прадаўжальнікамі марксізму. Мала цытаваць Маркса, неабходна ўлавіць сутнасць марксізму, які складаецца ў яго рэвалюцыйнай дыялектыцы. Сутнасць марксізму зразумеў У.І. Ленін»,
— заявіў Крыштаповіч.