Спецпрадстаўнік Дзярждэпартамента ЗША па справах Украіны Курт Волкер лічыць, што Украіна пакуль не зможа вярнуць сабе акупаваныя Расеяй тэрыторыі. Пра гэта ён сказаў BBC падчас наведвання Данбаса.
Волкер лічыць, што перадача Украіне смяротнай зброі будзе спрыяць наладжванню міру, бо, калі краіна не зможа ўтрымліваць лінію размежавання, гэта стане «запрашэннем» для наступу.
Ён лічыць, што міратворчая місія ААН на ўсходзе Украіны і санкцыі пакажуць Расіі, што яна не зможа захапіць больш тэрыторый без негатыўных наступстваў для сябе.
«Вядома, украінцы не змогуць вернуць тэрыторыю, ужо захопленую Расіяй. Расія занадта моцная», — сказаў Волкер.
«Але цана далейшага наступу для Расеі ўжо вырасла і ў далейшым будзе расці. Таму тыя, хто сядзіць у Маскве, павінны запытацца ў сябе: а што мы ад гэтага атрымліваем, для чаго гінуць нашы людзі?» — дадаў прадстаўнік Дзярждэпу ЗША.
