Помнік-бюст двойчы Герою Савецкага Саюза маршалу Івану Баграмянам адкрылі ў Гарадку, паведамляе БЕЛТА.
Скульптура важыць больш за 200 кг і выліта з бронзы. Аўтары праекта — скульптар Спартак Аруцюнян і архітэктар, дэкан архітэктурнага факультэта БНТУ Армен Сардараў.
Фінансавую дапамогу ў вырабе помніка-бюста аказала дыяспара армян ў Беларусі.
«Адкрыццё помніка-бюста ў Гарадку не выпадкова. У лістападзе 1943 года Баграмян быў прызначаны камандуючым 1-га Прыбалтыйскага фронту. Першая задача была для яго прыбраць так званы Гарадоцкі выступ. З 13 па 31 снежня 1943 года была праведзена Гарадоцкая ваенная аперацыя. Дзякуючы ёй вызвалілі больш за 1200 населеных пунктаў, у тым ліку Гарадоцкага раёна», — патлумачылі падчас цырымоніі.
0
0
0
0
0
0