— Міжведамасная камісія пры першым віцэ-прэм'еры Васілі Мацюшэўскім прыме рашэнне, якія сферы будзе разумна дэманапалізаваць, — сказаў Уладзімір Калтовіч.
— Канкурэнцыя дзеля канкурэнцыі не патрэбная. Напрыклад, калі мы ўбачым, што для нашай краіны дастаткова эфектыўна адной авіякампаніі «Белавія» і не трэба ніякіх змен, то абярэм гэты шлях. Там, дзе трэба захаваць манаполію, яна будзе захавана.
Разам з тым створым «дарожныя карты» па кожнай галіне, дзе па гадах будзе распісана, што і як трэба рабіць, каб дэманапалізаваць рынкі.
