Пад Гомелем п'яная маці везла на аўтамабілі дваіх дзяцей і трапіла ў ДТЗ, паведамляе УДАІ УУС Гомельскага аблвыканкама.
Увечары 13 чэрвеня супрацоўнікі ДАІ атрымалі паведамленне аб ДТЗ у Гомельскім раёне. Вінаватай у аварыі была 32-гадовая кіроўца БМВ — маці траіх дзяцей. Жанчына была з прыкметамі алкагольнага ап'янення, ад медыцынскага агляду адмовілася. Яна везла дваіх дзяцей 6 і 9 гадоў, якія не пацярпелі. На жанчыну склалі чатыры адміністрацыйныя пратаколы. Машыну змясцілі на штрафную стаянку. Аднак на гэтым гісторыя не скончылася.
Праз некаторы час ужо ў Гомелі яе затрымалі яшчэ раз, але ўжо на аўтамабілі «Нісан». Жанчына зноў была з прыкметамі алкагольнага ап'янення і адмовілася ад агляду. На шчасце, на гэты раз дзяцей у аўтамабілі не было. Да папярэдніх пратаколаў дадаліся яшчэ два, а машына таксама адправілася на штрафную стаянку. У выніку гамяльчанцы пагражае буйны штраф і пазбаўленне вадзіцельскага пасведчання. Сваю віну яна так і не прызнала.
