У магілёўскім мікрараёне Казіміраўка пачалі будаваць другі шматпавярховік пры падтрымцы ўрада Кітая. Усяго такіх дамоў па Магілёўскай вобласці будзе 22.
21 чэрвеня адбылося ўрачыстае мерапрыемства, прысвечанае гэтай падзеі. З візітам прыбыла кітайская дэлегацыя, чыноўнікі Магілёўскага гарадскога і абласнога выканаўчых камітэтаў, а таксама кіраўнік гарадскога Савета дэпутатаў.
Каля сцэны, з якой выступалі кітайскія госці і прадстаўнікі ўлады, дагары нагамі лунаў афіцыйны сцяг Беларусі. Больш за тое, ганьба трапіла ў эфір дзяржаўнага тэлебачання.
Мяркуючы па фота ў дзяржаўных выданнях, сцяг так ніхто і не здагадаўся (ці не наважыўся) размясціць правільна.
0
0
0
0
0
0
