Падазраваны затрыманы.
Цела 58-гадовага мужчыны знайшлі раніцай 29 чэрвеня на прыпынку ў аграгарадку Бальшавік, што ў Мінскім раёне. На целе былі сляды збіцця.
Мужчына працаваў сантэхнікам у аграгарадку, сам быў жыхаром Мінска. Відавочцы распавялі, што ўвечары напярэдадні здарэння бачылі мужчыну каля прыпынку. Ён быў п’яны.
У выніку затрымалі падазраванага — 18-гадовага слесара з аграгарадка. Хлопец распавёў, што сядзеў на прыпынку і гуляўся з планшэтам, калі незнаёмец падышоў да яго. Адбыўся канфлікт: спачатку на словах, пасля хлопец пусціў у ход кулакі. Ён збіў пацярпелага, пакінуў таго ляжаць на прыпынку і пайшоў дадому.
У выніку збіцця мужчына сканаў. А хлопца змясцілі пад варту. Раcследаванне працягваецца.
0
0
0
0
0
0
