Гаворкі пра ўваходжанне Беларусі ў склад іншай дзяржавы сёння не ідзе. Пасол Беларусі ў Расіі Ігар Петрышэнка пракаментаваў РБК выказванне беларускага прэзідэнта аб тым, што з-за правалаў у АПК краіна можа страціць незалежнасць.

Ігар Петрышэнка.

«Гэтая фраза была сказана для канцэнтрацыі намаганняў і мабілізацыі нашых ўсіх грамадзян, кожнага на сваім месцы, каб яны якасна, у тэрмін, з высокім узроўнем вытворчай дысцыпліны выконвалі тыя задачы (пастаўленыя прэзідэнтам. — заўв. TUT.BY)», — растлумачыў Петрышэнка, адказваючы на пытанне вядучай тэлеканала РБК пра ўваходжанне ў склад якой дзяржавы можа ісці гаворка.

Такім чынам, паўтарыў яшчэ раз пасол, сёння нават гаворкі не ідзе пра тое, што Беларусь увойдзе ў склад якой-небудзь дзяржавы.

Заява прэзідэнта, нагадаем, прагучала 22 чэрвеня на нарадзе ў Шклоўскім раёне.

Чытайце таксама: Лукашэнка прыстрашыў чыноўнікаў далучэннем да іншай дзяржавы і вайной, «як ва Украіне»

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру