Аварыя здарылася а 20-й гадзіне ў пятніцу каля вёскі Галынка, паведамляе гродзенская міліцыя.
67-гадовы мінчук не справіўся з кіраваннем і апынуўся ў кювеце. Ад атрыманых траўмаў ён памёр на месцы здарэння. Траўмы таксама атрымаў 46-гадовы пасажыр, які знаходзіўся на пярэднім сядзенні аўтамабіля.
Але пра ДТЗ стала вядома толькі ў нядзелю ў абед. Машыну знайшлі ў кустах выпадковыя мінакі, недалёка ад яе знаходзілася і цела кіроўцы. Хутка супрацоўнікі ДАІ высветлілі асобу пасажыра.
У суботу гэты мужчына звяртаўся ў бальніцу па медыцынскую дапамогу, аднак там не паведаміў аб здарэнні, а пералом рэбраў патлумачыў падзеннем з вышыні.
Міліцыя цяпер высвятляе, чаму ён прамаўчаў пра такое сур'ёзнае здарэнне.
0
0
0
0
0
0