На Мсціслаўшчыне 29 ліпеня здарылася аварыя, у выніку якой пацярпелі 2 чалавекі, паведамляе ДАІ УУС Магілёўскага аблвыканкама.
22-гадовы кіроўца ехаў па трасе Крычаў — Ходасы — Курманава — Рубанаўка. На 51-м кіламетры дарогі ён адцягнуўся ад кіравання на сабаку, які знаходзіўся на руках у жанчыны, што сядзела на пярэднім сядзенні. Машына вылецела ў кювет.
45-гадовая пасажырка атрымала пералом правай ключыцы, а 22-гадовы хлопец, які ехаў на заднім сядзенні, — рану правай скроневай вобласці і траўматычную ампутацыю правай вушной ракавіны.
0
0
0
0
0
0
