Віцебскай вобласці пара падымацца за кошт уласных рэсурсаў. Аб гэтым Аляксандр Лукашэнка заявіў сёння ў час рабочай паездкі ў Мёрскі раён, паведамляе БЕЛТА.

«Давайце будзем зыходзіць з таго, што ёсць. Пара Віцебскай вобласці падымацца на ногі за кошт таго, што ў яе тут сканцэнтравана», - падкрэсліў Аляксандр Лукашэнка.

Кіраўнік дзяржавы адзначыў, што сеяць неабходна тыя культуры, якія даюць найбольшы ўраджай у існуючых умовах. «Тут кожны раён павінен вызначыцца, зыходзячы з кліматычных умоў, проста звычкі людзей, што сеяць», - дадаў Лукашэнка.

Асаблівую ўвагу ён звярнуў на развіццё жывёлагадоўчай галіны ў рэгіёне і забеспячэнне гаспадарак неабходным абсталяваннем. Аляксандр Лукашэнка прывёў у прыклад калгас «Радзіма» ў Бялыніцкім раёне (Магілёўская вобласць), дзе стварылі простыя, але максімальна спрыяльныя ўмовы для жывёлагадоўчай дзейнасці.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру