Некалькі пунктаў прыпынку ў сталіцы пераймянуюць з 1 верасня, паведамілі «Мінск-Навінам» на прадпрыемстве «Сталічны транспарт і сувязь».
Прыпыначны пункт «Школа» на пр. Пушкіна ў абодвух напрамках будзе называцца «Паліклініка № 20».
«Тэхнікум» на скрыжаванні вул. Жудро — Матусевіча ў напрамку вул. Альшэўскага, Пятра Глебкі, Прытыцкага стане «Індустрыяльна-педагагічны каледж».
Прыпынак «Універсам «Нарач» на вул. Адзінцова ў напрамку вул. Лабанка пераймянуюць «Гімназія № 13».
«Універсам «Фрунзенскі» на пр. Пушкіна ў абодвух напрамках будзе называцца «Дуніна-Марцінкевіча».
П. п. «Аўтатаксасервіс» на пр. Жукава ў абодвух напрамках атрымае назву «Неўскі завулак».
«Салон пракату» на вул. Куйбышава ў абодвух напрамках будзе называцца «Студэнцкая паліклініка».
