З 29 жніўня матацыклісты, якія ездзяць на адным коле ці не трымаюцца за руль падчас руху, могуць пазбавіцца правоў.

Згодна з законам № 131-З ад 17 ліпеня «Аб унясенні змяненняў і дапаўненняў у некаторыя кодэксы Рэспублікі Беларусь», артыкул 18.14 КаАП дапоўняць часткай 91: «кіраванне матацыклам, мапедам на адным коле, а таксама рух, пры якім асоба, што кіруе такім транспартным сродкам, не трымаецца за руль або не трымае ногі на педалях (падножцы)».

Змены ў заканадаўстве ўступяць у сілу 29 жніўня. З гэтага дня матацыклісты і мапедысты за язду без рук або на адным коле заплацяць штраф ад пяці да дзесяці базавых велічынь. Таксама яны могуць быць пазбаўлены права кіравання транспартнымі сродкамі тэрмінам да шасці месяцаў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру