Суды Мінска ў панядзелак разгледзелі адміністрацыйныя справы затрыманых 24 жніўня каля Дома правасуддзя. Іх абвінавацілі ва ўдзеле ў несанкцыянаваным масавым мерапрыемстве.

Фота: spring96.org.

Некалькі актывістаў, якія прыйшлі падтрымаць асуджаных кіраўнікоў прафсаюза РЭП, разгарнулі перад уваходам у будынак бел-чырвона-белы сцяг і сцяг «Еўрапейскай Беларусі». Іх затрымаў АМАП. Крыху пазней там жа былі затрыманыя Мікалай Статкевіч і Максім Вінярскі.

З 11 затрыманых у пятніцу і дастаўленых у РУУС Маскоўскага раёна пазней быў вызвалены толькі адзін пратэстуючы.

У панядзелак іх асудзілі за ўдзел у несанкцыянаваным масавым мерапрыемстве.

Маю Навумаву і Леаніда Кулакова ў судзе Першамайскага раёна аштрафавалі на 40 базавых велічынь кожнага.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?