26 жніўня на 35 кіламетры аўтадарогі Мінск-Калачы-Мядзел супрацоўнікі ДПС звярнулі ўвагу на Фольксваген, які рухаўся з перавышэннем хуткасці.
Кіроўца праігнараваў інспектара ДАІ і стаў з’язджаць на вялікай хуткасці. Некалькі кіламетраў машыну пераследавалі.
Кіроўца не справіўся з кіраваннем і наехаў на агароджу. Пасля ДТЗ паспрабаваў схавацца разам са сваім пасажырам. Праз некалькі хвілін іх затрымалі супрацоўнікі ДПС.
Высветлілася, што кіраваў аўто жыхар Маладзечна 1985 года нараджэння. Ён быў у стане алкагольнага ап’янення — 1,36 праміле. Правоў на кіраванне транспартнымі сродкамі не меў, дакументы на аўтамабіль — адсутнічалі. Сёлета яго пазбавілі пасведчання кіроўцы за паўторнае кіраванне транспартным сродкам у стане алкагольнага ап’янення па 2023 год, яго аўтамабіль — канфіскавалі.
Кіроўца растлумачыў, што ён скраў Фольксваген у Маладзечне, на ім заехаў да сябра, дзе яны выпілі. Пасля чаго паехалі на аўто ў Мінск, каб прадаць скрадзеную машыну.
Матэрыялы перададзеныя ў Следчы камітэт.





