На пахаванне кіраўніка «ДНР» Аляксандра Захарчанкі ў Данецку, забітага ў пятніцу, прыйшло 120 тысяч чалавек. Пра гэта паведамляюць расійскія СМІ са спасылкай на адміністрацыю самаабвешчанай рэспублікі.
Кіраўнік Крыма Сяргей Аксёнаў, прэзідэнт непрызнанай Паўднёвай Асеціі Анатолій Бібілаў, Дзяніс Пушылін накіроўваюцца да кафэ «Сепар», дзе ў пятніцу быў забіты Аляксандр Захарчанка.
Дэпутат Дзярждумы Андрэй Казенка з дэлегацыяй з РФ пасля развітання ля труны Захарчанкі ідзе да кафэ «Сепар».
Дэлегацыя з ЛНР, а таксама Аляксандр Залдастанаў.
Прыйшоў на цырымонію развітання і «міністр» даходаў і збораў Аляксандр Цімафееў, цяжка паранены падчас замаху на Захарчанку.
Сербскі снайпер Дэян Берыч (Дэкі) прыехаў развітацца з кіраўніком «ДНР». Ён стаіць у агульнай чарзе, трымаючы ў руках вянок «Ад братняга сербскага народа».
