У рэдакцыю Tut.by звярнуліся чытачы і паведамілі, што часткова ў Кастрычніцкім раёне ў кранах няма наогул ніякай вады.
- У частцы Кастрычніцкага раёна няма наогул ніякай вады. Да 115 не датэлефанавацца ўжо гадзіну — занята. Ноччу ў Курасоўшчыне ўжо адключалі на некалькі гадзін, тады ў 115 паведамілі пра нейкую аварыю, якую планавалі ліквідаваць да апоўначы. Ваду далі ўжо каля адзінаццатай ночы, а сёння «лёг» ужо раён, — паведаміла чытачка.
Паводле яе слоў, вады няма ў дамах на завулку Каржанеўскага і вуліцы Магілёўскай з 11 гадзін дня.
На сайце Мінскводаканала паведамляецца, што ў сувязі з пашкоджаннем вадавода дыяметрам 900 мм у вёсцы Пашковічы магчыма зніжэнне ціску і пагаршэнне якасці водазабеспячэння ў Кастрычніцкім і Заводскім раёнах Мінска.
У цяперашні час вядуцца работы па лакалізацыі пашкоджання.
