Сайт газеты Адміністрацыі прэзідэнта sb.by паведамляе, што 6 верасня ў мэсэнджары «Тэлеграм» з’явіцца новы набор стыкераў ад Беларускага рэспубліканскага саюза моладзі. Выхад стыкераў прымеркаваны да 16-годдзя БРСМ.
Героямі стыкераў сталі юнакі Віталь і Алеся. Віталь — баец моладзевага аддзела аховы правапарадку і студатрадавец. Алеся — тусоўшчыца, якая катаецца на роліках і адрываецца на дыскатэках. Агулам будзе 20 стыкераў.
Карыстальнікі сацыяльных сетак заўважылі, што на адным са стыкераў хлопец у касцы і з подпісам «Працуем» дзіўным чынам вельмі нагадвае малодшага сына кіраўніка краіны — Мікалая Лукашэнку.
Раней БРСМ выпускаў стыкеры на тэму вышыванкі. Віталь і Алеся таксама апранутыя ў адзенне з нацыянальным арнаментам.
0
0
0
0
0
0
