Аляксандр Лукашэнка даручыў старшыні Следчага камітэта Беларусі Івану Наскевічу ўзяць на персанальны кантроль праверку па факце смерці дзіцяці ў Ганцавічах. Пра гэта кіраўнік следчага ведамства паведаміў сёння журналістам па выніках даклада кіраўніку дзяржавы.
«Кіраўніку дзяржавы было паведамлена аб тым, што матэрыялы праверкі па факце гібелі гэтага дзіцяці прыняты да вытворчасці галоўным следчым упраўленнем Цэнтральнага апарата Следчага камітэта. Акрамя таго, што мы непасрэдна высвятляем прычыну смерці дзіцяці, вядома ж, мы нададзім увагу і пытанням закупкі гэтай вакцыны, яе з'яўлення на тэрыторыі Беларусі, яе ўжывання. Кіраўнік дзяржавы даручыў мне ўзяць гэтую праверку на персанальны кантроль «, - распавёў Іван Наскевіч.
Ён запэўніў, што пра вынікі праверкі ведамства абавязкова раскажа ў СМІ. Пакуль што рабіць нейкія высновы рана. «Нават пра прычыны смерці пакуль можна толькі ў меркаваным варыянце весці размову - анафілактіычны шок. Але заключэння экспертаў мы яшчэ не атрымалі», - звярнуў увагу старшыня Следчага камітэта.
