Міліцыя затрымала мужчыну, які скраў абсталяванне з фантана ля Опернага тэатра на 2250 рублёў. Пра гэта паведамляе ГУУС Мінгарвыканкама.
У міліцыю звярнулася кіраўніцтва аднаго з прадпрыемстваў з просьбай высветліць асобу, якая з 9 па 11 верасня скрала пяць распыляльнікаў коштам 1250 рублёў з фантана па вуліцы Парыжскай камуны.
Як высветлілася, крадзеж здзейсніў 46-гадовы жыхар Мінска, які раней неаднаразова прыцягваўся да крымінальнай адказнасці. Скрадзеныя распыляльнікі мужчына здаў у пункт нарыхтоўкі другаснай сыравіны.
У міліцыі таксама выявілі яго дачыненне да крадзяжу яшчэ трох распыляльнікаў агульным коштам больш за тысячу рублёў з гэтага ж фантана.
0
0
0
0
0
0
