«АСБ Беларусбанк» з 1 кастрычніка ўводзіць камісію за правядзенне абмежаванага спісу плацяжоў у касах банка, паведамляецца на сайце банка.
Найбольш запатрабаваныя плацяжы, якія насельніцтва ажыццяўляе ў аддзяленнях банка, у прыватнасці, аплата камунальных паслуг і гарадскога тэлефона, застануцца бясплатнымі. Узнагароджанне не будзе спаганяцца з ветэранаў ВАВ, а таксама за плацяжы:
— у бюджэт (падаткі, зборы, пошліны, штрафы);
— на карысць грамадскіх аб'яднанняў;
— на дабрачынныя рахункі;
— у выглядзе ўзносаў страхавымі агентамі;
— на карысць ААТ «АСБ Беларусбанк».
Камісія за кожны плацеж у касе банка за навучанне, паркоўку, паслугі Інтэрнэт і г.д. абыдзецца ў 1 рубель.
Усе плацяжы, за якія будуць браць узнагароджанне, можна зрабіць у каналах дыстанцыйнага банкаўскага абслугоўвання бясплатна: Інтэрнэт-банкінгу, М-банкінгу, інфакіёсках.
