Новы пасол Расіі ў Беларусі Міхаіл Бабіч, які раней працаваў прадстаўніком прэзідэнта Расіі ў Прыволжскай федэральнай акрузе, узяў з сабой на працу ў Мінск свайго былога намесніка-сілавіка і памочніка, паведамляе «Коммерсант».

Былы намеснік прадстаўніка прэзідэнта Расіі ў Прыволжскай федэральнай акрузе Аляксей Сухаў, які курыраваў унутраную палітыку рэгіёнаў і сілавікоў, стаў працаваць у пасольстве Расіі ў Беларусі.

Аляксей Сухаў. Фота: 73online.ru.

З 29 верасня Сухаў пачаў працу на пасадзе саветніка-пасланніка.

Аляксей Сухаў прысвяціў сваё жыццё вайсковай справе. У 1983-1987 гадах у Беларускай вайсковай акрузе ён камандаваў спачатку танкавым узводам, затым — танкавай ротай. У 1991 годзе Сухаў скончыў Вайсковую дыпламатычную акадэмію, а затым стаў памочнікам вайсковага аташэ пры пасольстве Расіі ў Кітаі. Паралельна Аляксей Сухаў вывучыўся ў Вайсковай акадэміі Генеральнага штаба УС Расіі і даслужыўся да намесніка начальніка ўпраўлення ГУ Генштаба. У 2009 годзе ён становіцца начальнікам Галоўнага ўпраўлення міжнароднага вайсковага супрацоўніцтва Расіі, пазней пераходзіць у службу па кантролі за абарачэннем наркотыкаў, а затым — у Мінэнерга Расіі. Узнагароджаны медалём «За баявыя заслугі», медалём «За адвагу», ордэнам «За ваенныя заслугі», ордэнамі Пашаны, Аляксандра Неўскага і Дружбы.

З ранейшай каманды Бабіча ў пасольства на пасаду старшага дарадцы пасла таксама перайшоў яго былы памочнік Аляксандр Дзяменцьеў.

Клас
Панылы сорам
Ха-ха
Ого
Сумна
Абуральна
1
Каментатар / Адказаць
14.07.1999 / 02:16
на пасадзе саветнiка - дэсантнiка
1
Каментатар / Адказаць
22.01.1971 / 13:53
Вільгельм таксама браў сваіх памочнікаў у Менск!
2
Каментатар / Адказаць
22.02.1975 / 21:54
Удасться ли этим гбистам нагнуть Бацьку?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру