Форвард Барселоны Ліянэль Месі атрымаў траўму ў матчы дзевятага тура чэмпіянату Іспаніі супраць Севільі.
Як паведамляе Twitter каталонскага клуба, у Месі — пералом прамянёвай косці правай рукі, праз гэта ён прапусціць тры тыдні.
Такім чынам, Месі не згуляе супраць Інтэра ў Лізе чэмпіёнаў, а таксама супраць Рэала ў гульні чэмпіянату Іспаніі.
Месі траўміраваў руку пасля сутыкнення з паўабаронцам Севільі Франка Васкесам і быў заменены на 26-й хвіліне матчу, паспеўшы на той момант ужо забіць гол і зрабіць выніковую перадачу. Такім чынам, Барселона спыніла серыю без перамог у чэмпіянаце Іспаніі, абыграўшы на сваім полі Севілью з лікам 4:2.
0
0
0
0
0
0
