У ноч на нядзелю, 28 кастрычніка, краіны ЕС і Украіна пяройдуць на зімовы час. Гэта азначае, што стрэлкі перавядуць на гадзіну назад.
Ад 28 кастрычніка розніца ў часе паміж Мінскам і Вільняй, або Мінскам і Кіевам складзе адну гадзіну, з Варшавай, Берлінам, Парыжам — дзве гадзіны. Ад 2012 года Беларусь стрэлак не пераводзіць. Але з пераводам стрэлак змяняецца графік цягнікоў, аўтобусаў і самалётаў у Еўропу. Ну і матчы Лігі чэмпіёнаў будуць цяпер пачынацца на гадзіну пазней.
Разам з тым у жніўні Еўракамісія апублікавала папярэднія дадзеныя анлайн-галасавання па пытанні рэгулярнага пераходу на зімовы і летні час, згодна з якімі парадку 84% еўрапейцаў выказаліся за адмену пераводу гадзіннікаў.
Таксама было заяўлена, што кожная краіна ЕС павінна вырашыць, ці будзе яна заставацца ў зімовым часе, ці вернецца на летні.