Фота Паўла Марцінчыка
Народнаму артысту СССР і Беларусі Ігару Лучанку зрабілі аперацыю пасля шырокага інсульту, піша kp.by
З 2 лістапада Ігар Міхайлавіч знаходзіцца ў рэанімацыі ў аддзяленні неўралогіі Гарадской клінічнай бальніцы хуткай дапамогі Мінска. 80-гадоваму кампазітару стала дрэнна ў ноч з 1 на 2 лістапада.
— Бацька ў штучнай коме ужо трое сутак. Дактары зрабілі аперацыю ў пятніцу і кажуць, што паўторная аперацыя не патрабуецца. Мама, сястра і я спадзяемся толькі на лепшае. Гэта здарылася так раптоўна — ніхто не чакаў. Быў звычайны дзень: мы разам павячэралі, паглядзелі тэлевізар, бацька прыняў свае таблеткі, якія яму прапісалі яшчэ ў жніўні — узроставыя праблемы са здароўем, і лёг спаць. Дактары кажуць, што, хутчэй за ўсё, адбыўся скачок ціску. Век у таты ўжо салідны, - распавёў сын маэстра Андрэй Лучанок.
